NIUda “Karmana – tarixi, Amir Abdulahad va Olimxon hukmronligi yillarida, O‘tmish va bugun” nomli monografiya taqdimoti
2024 yil 13-dekabr kuni O‘zbekiston respublikasi Oliy ta’lim, fan va innovatsiyalar vazirligi, Navoiy innovatsiyalar universiteti hamda O’zbekiston jurnalistlar uyushmasi Navoiy viloyat bo‘limi hamkorligida Navoiy innovatsiyalar universiteti Axborot-resurs markazi o‘quv zalida J.Savriyev hamda E.Raxmonovning “Karmana – tarixi, Amir Abdulahad va Olimxon hukmronligi yillarida, O‘tmish va bugun” nomli monografiyasi taqdimoti bo‘lib o‘tdi.
Taqdimotda Navoiy innovatsiyalar universiteti Yoshlar masalalari va ma’naviy-ma’rifiy ishlar bo‘yicha birinchi prorektor A.Ergashev, Turon fanlar akademiyasi Navoiy viloyat bo‘limi boshlig‘i, akademik K.Yo‘ldoshev, Turon fanlar akademiyasi akademigi R.Egamov, O‘zbekiston Jurnalistlar uyushmasi Navoiy viloyat bo’limi raisi O.Aslonov, “Sarmishsoy” davlat muzey-qo‘riqxonasi mudiri D.Xoliqulov, Tarix fanlari bo‘yicha tarix fanlari bo‘yicha falsafa doktori (PhD) dotsent J.Savriyev va oliygoh talabalari ishtirok etishdi.
Jasur Savriyev hamda Eldo'st Rahmonovlar hammuallifligida yaratilgan mazkur monografiya Karmana tarixi bilan bog'liq bo'lib, O'zbekiston Respublikasi konstitutsiyasi qabul qilinganligining 32 yilligi hamda Karmana tumani tashkil topganligining 66 yilligiga bag'ishlanadi.
