NIUda kitob taqdimoti!
Joriy yilning 27 noyabr kuni Navoiy innovatsiyalar universitetida taniqli adib Nurxon Bekniyozovning "Ahmad Yassaviy Nasabnomasi" kitobi taqdimoti bo'lib o'tdi. Taqdimotda Universitet rektori Mavlonov Jo'rabek Yorqulovich, O'zbekiston Yozuvchilar uyushmasi viloyat bo'limi rahbari B.Sadriddinov, O'zbekiston Yozuvchilar uyushmasi a'zosi B.Nortojiev, Turon fanlar akademiyasi Navoiy viloyat bo'limi boshlig'i K.Yo'ldoshev, filologiya fanlari nomzodi (PhD) F.Rajabovlar va talabalar ishtirok etishdi.
Universitet rektori Jo'rabek Yorqulovich ushbu nasabnomaning yaratilishi, qadr-qimmati haqida so'zlab, muallifga ko'psonli kitobxonlar nomidan o'z minnatdorchiligini bildirdi.
"Ahmad Yassaviy Nasabnomasi" kitobi muallifi taniqli adib Nurxon Bekniyozov o'z navbatida 20 yil davomida olib borgan izlanishlari natijasida ushbu kitobning yaratilishi tafsilotlari haqida so'zlab berdi. Tadbirda qatnashgan keng jamoatchilik vakillari ham ushbu kitobning mazmun-mohiyati haqida so'z yuritishdi.
