Universitetimizda ma’naviy-amaliy seminarlar o‘tkazildi
Navoiy innovatsiyalar universitetida 2025-yil 12-avgustdagi rektor buyrug‘iga asosan 26-avgust kuni professor-o‘qituvchilar va ishchi-xodimlar uchun mazmunli va foydali ma’naviy-amaliy seminarlar tashkil etildi.
Tadbir doirasida Universitet Kengashi kotibi, p.f.f.d. (PhD), dotsent Kubayeva Mavluda Baxtiyor qizi “Universitet kengashi faoliyati” mavzusida ma’ruza qilib, universitet boshqaruv tizimi va Kengashning o‘rni haqida batafsil ma’lumot berdi.
Shuningdek, Sport-sog‘lomlashtirish va iqtidorli talabalar bilan ishlash bo‘limi boshlig‘i Abdualimov Elnur Ixtiyorovich “Sport-sog‘lomlashtirish faoliyati va iqtidorli talabalarni aniqlash nazariyasi va amaliyoti” mavzusida ma’lumot berib, talabalarning salomatligi va iste’dodini qo‘llab-quvvatlashning samarali yo‘llarini yoritdi.
Oliy ta’lim muassasamiz bosh energetigi Gurmanov Abdujalil Abdulhoqovich esa “Elektr xavfsizligi” mavzusida chiqish qilib, xavfsizlik qoidalari va ularga amal qilishning ahamiyatiga to‘xtalib o‘tdi.
Mazkur seminarlar ishtirokchilarga nafaqat yangi bilim va tajriba berdi, balki kasbiy faoliyatda yanada samarali ishlashga ilhom manbai bo‘ldi.
